loader
menu
© 2022 Eddyburg
Salvatore Di Giacomo
Di Giacomo, Pianneforte 'è notte
10 Ottobre 2004
Poesie
(1860-1936) Un classico della poesia napoletana

Pianefforte ’e notte

Nu pianefforte ’e notte sona luntanamente, e ’a museca se sente pe ll’aria suspirà.



È ll’una: dorme ’o vico ncopp’ a sta nonna nonna ’e nu mutivo antico ’e tanto tiempo fa.

Dio, quanta stelle ncielo! Che luna! E c’ aria doce! Quanto na bella voce vurria sentì cantà!

Ma sulitario e lento more ’o mutivo antico; se fa cchiù cupo ’o vico dint’ a ll’oscurità.

L’anema mia surtanto rummane a sta fenesta. Aspetta ancora. E resta, ncantannose, a penzà.

Chi è Salvatore Di Giacomo

ARTICOLI CORRELATI
© 2022 Eddyburg